Schiiiiiifahren

Etz fangt är aber a zum übertriiba
Mit sinem kliina Blog wo är tuat schriiba

Han denkt i well abitzli schleima
Und tuan dr Itrag hüt doch reima

Ufgstanda hüt und luut gsait wow
Z'Wetter klasse, dr Himmel blau

Do müamer glaub nit lang studiera
Us da Federa los und Ski montiera

Parat gmacht z'ganza Ski-Gepäck
Nimmt mi jo Wunder wo i das anasteck

In z'Auto ghockt, hoffa alles dabi
Kurz spöter schu z'Tschappina gsi

Isch 11:15 gsi, t'Kassafrau khört aber zu da Harta
Hend kaufa müassa a Tageskarta

T'Ahu zwüschet t'Bei und gno a Bügel
So sind miar ufagflitzt dr Hügel

Abagflitzt das simmer denn
Dr Jamie schneller als a Audi fum Senn

Zum Zmitag hend Kinder Pommes verdrückt
I han gfaschtet, ach wie bin ich entzückt

Nach em gestriga Obig wärs zwor au nit vermessa
Dass i zwei Wucha lang nüt meh würd essa

Das ganza liggt miar nämmli schwer uf em Maga
I hoff miar werdend üs bald wieder vertraga

Nach em Zmittag simmer wieder fliisig gsi
T'Ahu im Stemmboga voll dabi

Hend zwar guat gluagt doch ach o weh
T'Roffler Familia hemmer niana gseh

Dahai denn akho und wia ma mi tuat kenna
Gohn gat no a Stündli varussa go renna

So fertig greimt so blöd das tuat klinga
Moora tuan i filicht dr Blog-Itrag gat singa