Tae Bo

Hüt weiss i voll nit was i söll schriiba

Drum lohn i wiederamol t'Reim-Blüata triiba

Über was söll i aber hüt au reima

Filicht über Essa oder aswia bi eu Leser schleima

Oder über min Marathon as Gedichtli macha

Filicht müander am Schluss sogar no lacha

T'Idee isch miar denn aber kho uf em Klo

I schriba doch a paar Sätz über Tae Bo

I find das Training nämmli uu guara glatt

Nach amana Stündli schwitza bin i meistens schachmatt

Sit viela Johra trainier i im Kraftwerk in Chur

Aber immer nur Cardio und Grät, do bin i gsi stur

Han gwüsst dass im obera Stock anderi Sacha werdend gmacht

Gmaint das segi lockers Zügs und über dia Lüt glacht

Gönd jo au nur Fraua das kann also nüt siii

Und a Trinkfläscha hends jo meistens au no dabiii

Aber kükenmässig hät ma mi denn überschnorrt

Und i bin amol mit an dä sagenumwobeni Ort

Wo ma gsait hät "du wirsch a guats Opfer sii"

Han i no gar nüt denkt dabiii.

Dr Heinz zerscht no in da Feria in dr Sunna

So hät das Tae Bo Abentür denn für mi begunna

Muskle Work isch meistens Männer-frei

Im Tae Bo simmer aber mindestens drei

Komischi Kombinationa hemmer müassa macha

I han vielfach denkt "dia sind nit ganz bacha"

Mittlerwiila tuan i z'meista zumindest checka

Das heisst aber nit, dass i im Training nit fascht verrecka

Hüpfa, Boxa, Kicka und au Tanza

Logisch kriagt ma do kai Ranza

Do hät's Mädels dabi dia hends brutalschtens druf

I bin schu froh wenn i niamerd mach muff

Dia hend au t'Händ ibunda huara krass

Sie kai Tropfa Schweiss und i pflutschnass

Aber öppis check i bis hüt no nit

Warum macht dr Heinz dia Üabiga nia richtig mit??

Isch är konditionell aifach nit gat "oho"

Oder luagt är liaber da Fraua uf da Po? (hahahaha, sorry!!!)

Ach, wia i mi uf z'hütiga Training tuan freua

Werda i echt dia letschta Sätz bald amol bereua

Egal, abitzli schwitza kann jo nit schada

Und a paar Kilo Fett kann i jo no abalada

Drum möcht i eu würklich motiviera

Tüand das ganza au amol probiera

Sogar am Mittwuch kann ma's jetzt nämmli macha

Kömmend au und lönds mächtig kracha