Easy Easy

As isch Mentig, as isch sowiit

Hüt wird gwooga, du huara shit

Letscht Wucha han i öppis Neus probiart

Han mit dr viel Süasses-essa-und-Gwicht-verlüra-Theorie hantiert

Öppis Probiara hät das echt klappt

Hoffa nur i bin nit in a Falla tappt

Dr Krättli tuat jetzt au Gwicht verlüüra

Und schnuarstracks uf a Sixpack ana stüüra

Drum töff i jetzt jo nümma nochloh

Suscht tuan i denn ganz blöd dostoh

Im Summer wenn är tuat umastolziera

Und allna sis flacha Büchli tuat präsentiera

Ab jetzt wieder mit viel meh Ernst ernähra

Und im Training t'Gwicht neh wieder dia megaschwera

Mis Küken als guats Bischpiel neh

Also Grind aba und mega Gas jetzt ghe

Nümma dia ganz Zyt Süasses essa

Suscht kann i denn a Sixpack gat vergessa

Mit ganz viel Willa an dia Sach

Suscht kriag i mit dr Woog no Krach

Töff aifach nümma uma bschiisa

Suscht tuan i miar z'Projekt vermiisa

T'Woog hät hüt nämmli uma gmotzt

Und i vor luuter Wuat fascht ..... erbrocha (haha)

200 Gramm han i nämmli ufa packt

Iar gsehn i han dia Wucha voll verkackt

Über Ostera tuan i glaub nur fasta

Suscht muass i nögscht Mentig nämmli rasta

Diar Alex druck i beidi t'Tühma ganz ganz doll

Dia Kilo schmelzend sicher, ach wia toll

A schöna Tag wünsch i am Rest

I freu mi uf a kaloria-arms Osterfest